Репортёр выходит в свет: Тяжело проснуться утром?

14:17 / 19.12.2020

742

Ці цяжка прачынацца ў будні дзень, як узбадзёрыцца і хто аддае загад «Пад’ём», карэспандэнт газеты распытаў у дарослых і маленькіх жыхароў раёна.

Аляксандр Філіпчык, аг. Варняны:

– Рана ўставаць мне складана. У буднія дні прачынаюся ў 8 гадзін. Калі пачынае звінець будзільнік, ляжу ў спадзяванні, што гэта жончын, а я яшчэ маю ў запасе паўгадзіны да званка. (Усміхаецца.)
Узбадзёрыцца дапамагае смачны сняданак, абавязкова – з кубачкам кавы і смачняшкай.
У нас з Вікай (жонка) толькі адзін выхадны, таму стараемся выспацца па максімуму, але не нашмат болей спім, чым у астатнія дні, – падымаемся дзесьці ў 9 гадзін.

Вікторыя Півавар, г. Астравец:

– Я без праблем прачынаюся, гэта ўжо стала звычкай. Канешне, цяпер, калі за акном цёмна, падымацца цяжэй. Але, лёгшы ў пару, выспішся добра.
Я ўстаю рана. Калі мужу трэба на працу, то ў 5 гадзін, нават у свой выхадны, бо трэба снеданне прыгатаваць. Такім чынам даю мужу магчымасць крыху даўжэй паспаць. А калі толькі мне на работу, то прачынаюся пазней – у 7 гадзін. Здараюцца дні, калі накапліваецца стомленасць, тады бывае цяжкавата расплюшчыць вочы.

Ілля Кандратовіч, г. Астравец:

– Цяжка, канешне, уставаць ранкам – асабліва цяпер, калі за акном цёмна! Мне прасцей прачнуцца ў час, калі ёсць пэўная матывацыя. Ну, напрыклад, намечаны план: устаць рана, выйсці на прабежку ці заняцца любімай справай – тады не складзе цяжкасцей вылезці з-пад коўдры.
Важную ролю адыгрывае наладжванне рэжыму сну! А ўзбадзёрыцца дапамагае кантрасны душ.

Арына Захарэўская, в. Ізабеліна:

– Я люблю раніцу! І прачынацца люблю, бо пайду ў садок, а там шмат сяброў. З імі весела! Мяне пазней за ўсіх будзяць. Я адразу ўстаю з ложка, апранаюся і іду есці бліны з маслам.
Першай у доме прачынаецца мама. У мяне ёсць 2 старэйшых брацікі, спачатку будзяць іх. Мікіту тата вязе на поезд, ён вучыцца, а Дзяніс едзе на школьным аўтобусе. І я на аўтобусе ў садзік еду – не засынаю, гляджу ў акно.

Браты Вітас і Саўлюс Клімашэўскісы, в. Завідзіненты.

Вітас:
– Кладуся спаць каля 11 вечара. Аднак у колькі б ні лёг, прачынацца ранкам не хочацца – ні калі за акном светла, ні калі цёмна. Але ж устаю – куды дзенешся! Калі памыюся ды паем, узбадзёрваюся. А вось у выхадны высыпаюся – аж да 10-ці.
Саўлюс:
– У школу нас з братам будзіць мама, дзесьці а палове восьмай. Кажа: «Прачынайцеся», – і мы адразу ўстаём. На вучобу хаджу з задавальненнем, спаць кладуся рана, таму высыпаюся і настрой ранкам у мяне добры. Часам, пакуль еду ў аўтобусе да школы, ці кімарну.

Подписывайтесь на телеграм-канал «Островецкая правда» по короткой ссылке https://t.me/ostrovetsby.

Телеграм-канал «Островецкая правда» – всё самое интересное из жизни Островца и Островецкого района.

Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.

Телеграм-канал «Гродно Медиа Group» – это ежедневные новости районов Гродненской области и города Гродно.