Астраўчане падзяліліся думкамі пра Год міру і стварэння
11:05 / 21.01.2023
У жыхароў Астравеччыны карэспандэнт пацікавіўся, што павінен зрабіць кожны з нас, каб гэты год быў менавіта такім.
Таццяна Калтан, дырэктар сацыяльна-педагагічнага цэнтра:
– Памятаць нацыянальныя традыцыі нашага народа; цаніць мірнае яснае неба; перадаваць наступным пакаленням духоўныя каштоўнасці, гістарычную праўду пра ўсе перыяды жыцця беларускага народа, пра яго гераічны подзвіг у гады ваеннага ліхалецця… Пасадзіць дрэва, выгадаваць сына, працаваць дзеля дабрабыту сям’і, калектыва, дасягаць вынікаў штодзённымі маленькімі крокамі – гэта пасільны ўклад кожнага з нас у стабільнасць, развіццё, дабрабыт роднай Беларусі. Варта заставацца вернымі сваім ідэалам. Беларусы заўсёды былі міралюбівым, гасцінным, дружалюбным народам.
Людміла Казлоўская, старшыня прафсаюзнай пярвічнай арганізацыі саўгаса «Падольскі»:
– Хтосьці з вялікіх сказаў, што прыгажосць выратуе свет. Ад сябе дадала б – а яшчэ дабрыня, чуласць, спагадлівасць. У першую чаргу кожны павінен паважаць чалавечую годнасць іншага, нягледзячы на веравызванне, сацыяльны статус, унутраныя прынцыпы. Таксама ў Год міру і стварэння адной з галоўнай задач лічу выхаванне моладзі ў духу любові да Айчыны, памяці пра свае карані – за нашымі дзецьмі будучыня. Патрыятызм, актыўная грамадзянская пазіцыя, нацыянальная згода – асноўныя прынцыпы паспяховага развіцця грамадства.
Алена Кандратовіч, намеснік дырэктара КСУП «Гервяты»:
– Тое, што гэты год праходзіць пад знакам міру і стварэння, на мой погляд, вельмі актуальна. Гэта лагічны працяг Гадоў народнага адзінства і гістарычнай памяці. Мы ведаем, што вайна – гэта гора, смерць, разбурэнні. Для нашай краіны заўсёды ў прыярытэце мір, сацыяльная арыентаванасць. Кожнаму варта пачынаць з сябе – працаваць над уласнымі маральнымі каштоўнасцямі, жыццёвымі прынцыпамі.
Таццяна Базюк, загадчык складоў ФСК:
– Беларусы – адна з самых міралюбівых нацый. Нездарма нават у нашым гімне ёсць словы: «Мы, беларусы, – мірныя людзі». Думаю, што значэнне гэтага года не толькі маштабнае, але і індывідуальнае – кожны павінен працаваць на карысць краіны, а значыць, памнажаць свой дабрабыт; гадаваць дзяцей і клапаціцца пра бацькоў.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.