Кафэ “Эдэм” адкрыецца ў Палушах
10:13 / 18.12.2022
У аграгарадку Палушы напярэдадні навагодніх святаў адкрыецца кафэ.
Як паведаміў старшыня Гудагайскага сельсавета Віктар Карповіч, гэта стала магчымым дзякуючы КСУП «Гудагай», якое сваімі сіламі рэканструявала былы будынак сталовай.
А намеснік дырэктара КСУП «Гудагай» па прамысловай дзейнасці Сяргей Жук расказаў, што адкрыццё гэтай кропкі харчавання плануецца напярэдадні Новага года.
Кафэ з інтрыгуючай назвай «Эдэм» будзе забяспечваць гарачымі абедамі працаўнікоў КСУПа, комплекснымі – усіх жадаючых. Тут таксама можна будзе праводзіць святочныя мерапрыемствы: вяселлі, юбілеі, хрэсьбіны…
А віншаванне са святам віноўнікаў урачыстасці будзе «высвечваць» экран з бягучым радком.