Бібліятэкі Астравеччыны адзначылі Дзень Незалежнасці Рэспублікі Беларусь
Мерапрыемствы, прысвечаныя галоўнаму святу краіны, прайшлі ва ўсіх бібліятэках раёна.
Напярэдадні Дня Незалежнасці ў дзіцячай бібліятэцы сустракалі выхаванцаў дзіцячых садкоў №3 і №4 – іх запрасілі на краязнаўчы ўрок-гульню, падчас якога расказалі пра Беларусь, яе прыроду і прыгажосць, пра людзей і дасягненні, паказалі цікавыя кнігі пра краіну. Малышы падзяліліся расповедамі пра тое, дзе нарадзіліся, у якіх гарадах Беларусі пабывалі.
Краязнаўчае мерапрыемства прайшло ў Рытанскай бібліятэцы. Наведвальнікам расказалі, чаму менавіта 3 ліпеня адзначаецца Дзень Незалежнасці. Было прыгадана пра нашых землякоў – удзельнікаў вайны.
У Міхалішках правялі літаратурную гадзіну. Удзельнікі чыталі вершы беларускіх паэтаў пра Беларусь, аналізавалі іх, гаварылі пра вытокі свята.
У Альхоўскай бібліятэцы дзяўчаты і хлопцы адправіліся ў відэавандроўку на нашай краіне Пасля гулялі ў віктарыну, адзначалі на карце Беларусі любімы і дарагі сэрцу куточак. Дзецям прапанавалі зрабіць аўтарскі магніт «Я люблю Беларусь».
А ў Страчанскай бібліятэцы-клубе правялі канцэрт «Помнім, захоўваем, ганарымся!».
Вольга ЗАЯНЧКОЎСКАЯ, раённая бібліятэка.