Якім было надвор'е 17-23 студзеня на Астравечыне ў розныя гады
13:43 / 17.01.2022
Раніцай 17 студзеня бягучага года тэмпература паветра была +2 градусы.
Па звестках Стэфана Рамэйкі і Станіслава Памецькі, у перыяд з 1990 па 2021 гады самым халодным трэці тыдзень студзеня быў у 2006 годзе – тады на працягу пяці дзён слупок тэрмометра апускаўся да 20 градусаў марозу і ніжэй. Холадна было і ў 2010 годзе: сярэдняя тэмпература тыдня склала –10 градусаў. У 2013-м –9,6 градусаў, у 1992-м –8,5 градусаў, у 2004-м –7,2 градусаў марозу.
Хоць гэтыя маразы зусім не рэкордныя. Самая нізкая тэмпература ў нашай краіне за 100 гадоў метэаназіранняў была зафіксавана 17 студзеня 1940 года на метэастанцыі Слаўнае ў г.п. Талачын –42,2 градусы. У Мінску ў той дзень мароз складаў 39,1 градусаў. На жаль, падобнымі звесткамі пра Астравеччыну мы не валодаем.
Сярэдняя тэмпература вышэй за нуль у трэцім тыдні студзеня зафіксавана ў 1997, 1998, 2002, 2003 і 2017 гадах. Найцяплейшым перыяд з 17 па 23 студзеня быў у 1993 годзе, калі сярэдняя тэмпература склала +3,1 градуса. У 1997 годзе, калі, па запісах Стэфана Рамэйкі, карова пасвілася да 18 студзеня, яна складала +2,1 градуса, у 1990-м – +1,5 градус, у 2011-м – +1,3 градус.
У 2007 годзе «Астравецкая праўда» паведамляла, што 11 студзеня ўраганным ветрам паваліла ёлку на цэнтральнай плошчы горада. Стыхія пашкодзіла 12 аб’ектаў.
Народныя прыкметы
19 студзеня праваслаўныя вернікі святкуюць Вадохрышча. У гэтыя дзень і ноч напярэдадні назіралі за надвор’ем. Паўднёвы вецер 18 студзеня абяцаў частыя летнія навальніцы.
Прыкмячалі: калі на Вадохрышча мяцеліца, то будзе месці і праз 3 месяцы. Калі дзень цёплы – хлеб будзе цёмны, густы. Калі халодны, ясны – лета чакаецца засушлівае, а пахмурны і снежны дзень абяцае добры ўраджай.
Прарочымі лічыліся дні 21-23 студзеня.
21 – які дзень, такі і жнівень.
22 – які дзень, такі і верасень.
23 – які дзень, такі і кастрычнік.
А ліпень, гаварылі, паўторыць студзень: калі зімой марозна – то летам будзе спякотна, калі студзень снежны, то чакай дажджлівы ліпень. Гнілая зіма прадказвае такое ж лета: «Калі зімой не змерзнеш, то летам не сагрэешся», – казалі ў народзе.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.