Каледавалі ў Мальскім дзіцячым садзе
Прыйшла Каляда – дзверы адчыняйце!
… З такога прывітання пачалося беларускае народнае свята Калядкі ў Мальскім дзіцячым садзе. Выхаванцы рыхтаваліся старанна: зрабілі калядную зорку, какошнікі, касцюмы казы, мядзведзя, чорта. І самае галоўнае – вывучылі калядныя вершы і песні.
Свята праходзіла ў музеі нашай установы. Маленькіх калядоўшчыкаў запрасілі на шчодрую вячэру, абавязковымі стравамі якой былі куцця, бліны, каўбаса, квашаная капуста, агуркі, квас. Дзеці з задавальненнем частаваліся рознымі стравамі, спявалі, гралі на музычных інструментах, танцавалі, гулялі ў народныя гульні “Зайцы на двары стаялі”, “Каза”, “Курачкі і пеўнікі”, “Венік”, “Чортаў хвост”.
Выдатнае атрымалася свята!
Зофія МАРКУН, выхавальнік Мальскіх ясляў-сада.