"Репортёр выходит в свет". Чем вам запомнилось лето?

14:00 / 08.09.2013
3279
2
Ёсць такое выслоўе, што лета – гэта маленькае жыццё. Менавіта летам час быццам канцэнтруецца, напаўняецца рознымі падзеямі, жаданнямі, задумкамі, справамі…
Для большасці людзей гэта пара года звязана перш за ўсё з адпачынкам. Вось чаму усе мы: малыя і старыя, мужчыны і жанчыны – з нецярпеннем чакаем лета. Але яно, як і ўсё іншае ў нашым жыцці, праходзіць. Застаюцца толькі ўспаміны.
Чым жа запомнілася мінулае лета нашым землякам, які след яно пакінула? Адказ на гэта пытанне і паспрабаваў знайсці наш карэспандэнт на вуліцах Астраўца.

Аляксандр Іванцэвіч, жыхар г. Шчучына, і яго сястра Ала Іванцэвіч з Астраўца:
Аляксандр: Лета – гэта выдатная пара! Але, на жаль, мне ўвесь летні час прыйшлося працаваць. Толькі на выхадныя ўдавалася парыбачыць, схадзіць у лес па ягады, грыбы. Калі-нікалі сустракаўся з сябрамі.
А вось цяпер на некалькі дзён прыехаў у госці да сястры, каб крыху адпачыць разам, ды і дапамагчы па гаспадарцы.

Ала: Які тут адпачынак, калі ўвесь час трэба прысвячаць дзіцяці. Толькі на выхадныя знаходзіла час, как пабываць на прыродзе.
Праляцела гэта лета вельмі хутка, ды і надвор’е, на мой погляд, было не вельмі добрае.


Ванда Кісель, жыхарка в. Кямелішкі:
– Цудоўная пара – лета! Вельмі добрым быў ураджай гародніны, ягад, фруктаў.
А яшчэ гэта лета мне запомнілася паездкай у Палангу. Хаця, на мой погляд, выдатна адпачыць можна і ў нас. Вельмі прыгожая прырода, рэкі, азёры… А ў лесе – ягады, грыбы. Самае галоўнае, што экалогія ў нашым раёне пакуль што добрая. Што яшчэ трэба чалавеку, каб добра адпачыць!


Валерый Васільевіч Якаўлеў,  жыхар в. Гудзянікі:
– Кажуць, што лета было (усміхаецца). Праўда, я яго, можна сказаць, і не заўважыў. Справа ў тым, што жыву я ў нашым раёне, а працую ў Вільнюсе. Шмат часу забірае дарога. Для адпачынку застаюцца толькі выхадныя. Ды і хатнімі справамі трэба займацца. Буду спадзявацца, што ў наступным годзе летні адпачынак будзе і ў мяне.


-----------------
Распытваў Аляксандр ЮШЧУК, фота аўтара.

Комментарии
0
Гость
Моё самое-самое лето , о котором можно вспоминать потом целый год, укладывается всего лишь в 3 недели. Три недели свободы - делай то, что нельзя позволить в будни! Главное- встреча с родными, даже если просто вместе посидеть на скамеечке под раскидистой яблоней....И не надо лишних слов, движений, лишь бы долго жили и были рады встрече с тобой. Ежедневные вылазки в лес - для городского жителя это роскошь! Путешествие по живописным уголкам Беларуси, не тем, что мы планируем, а тем, которые можно позволить от прилива бурных фантазий: утречком проснулся, распахнул окно, "а не махнуть ли мне в..." - и махнул!!! Вот это свобода мыслей и действий, которые я могу позволить себе только летом)
Имя Цитировать 0
0
Гость
Нядаўна па тэлевізары была падобная перадача аб тым, хто з зорак як правёў лета, хто колькі грошай патраціў, на якіх замежных курортах яны адпачывалі, у якіх гатэлях. У аднаго квтаэра ў Балгарыі, другая хваліцца, што больш за 5 мільёнаў рублёў (расійскіх) аддала за тры тыдні адпачынку ў Арабскіх Эміратах. А нехта з артыстьаў сказаў, што, пакуль жывуць яго бацькі, ён будзе ездзіць да іх у вёску. Яны старэнькія. хворыя, і  ім так гэта трэба -- пабачыцца з дзецьмі і ўнукамі. І гэтыя сутрэчы даюць яму больш сілы і цяпла, чым супер-пуперскія пляжы.
Имя Цитировать 0
Оставить комментарий
Текст сообщения*
Защита от автоматических сообщений