Какие октябрьские праздники любите вы?
09:00 / 15.10.2018
Якія кастрычніцкія святы ведаюць і любяць жыхары і госці нашага горада, высвятляў карэспандэнт «раёнкі».
– Святочных дней у нашым календары хапае. Для многіх ужо і субота з нядзеляй – святы. Я, як выйшла на пенсію, сябе адчуваю самым шчаслівым чалавекам: у мяне штодзень свята.
Ведаю, што ў кастрычніку адзначаецца Дзень маці, Дзень настаўніка, Дзень пажылога чалавека. А яшчэ ў маёй лепшай сяброўкі дзень нараджэння – мы яго абавязкова адзначаем.
– Я святкую Дзень маці і Дзень пажылога чалавека. Як адзначаю? Сціпла – на пенсію не разгуляешся.
І на былой рабоце – у электрасетках – сваіх пенсіянераў не забываюць. Напрыклад, сёлета мне прапанавалі экскурсію па цэрквах і касцёлах Беларусі.
Тадэвуш Багдановіч, пенсіянер (без фота):
– Святы я люблю, аднак загадзя рыхтуюся толькі да Дня энергетыкаў і Дня вадзіцеля, бо сам былы энергетык і вадзіцель.
Набліжаецца Дзень маці – буду віншаваць маці і жонку.
А ўвогуле, мне больш да душы каталіцкія святы.
– Я ў Беларусі жыву нядаўна, таму святы і святочныя дні вашай краіны ведаю не ўсе.
Ведаю, што на гэтым тыдні будзе адзначацца Дзень маці. Яшчэ на нядзелю прыпадаюць Пакровы. Ёсць такая прыкмета: калі на Пакровы выпадзе снег, то ён ляжа надоўга.
Нядаўна, ведаю, у Расіі адзначаўся Дзень атамнай прамысловасці. Цікава, ці ёсць такое свята ў Беларусі?
– У бібліятэцы мы загадзя рыхтуемся да дзяржаўных або прафесійных святаў: ладзім вечарыны і сустрэчы.
На мінулым тыдні віншавалі настаўнікаў і пажылых людзей. А ў Варнянскай бібліятэцы дзеці падрыхтавалі віншавальную акцыю для сваіх настаўнікаў.
На гэтым тыдні збіраем ветэранаў працы са сферы культуры, якія ў нядзелю адзначаюць сваё прафесійнае свята.
