В Островце прошли районные соревнования по хоккею "Золотая шайба"
10:03 / 03.02.2017
Памерацца сіламі на лёдзе сабраліся чатыры каманды, якія выступалі ў дзвюх узроставых катэгорыях: 2003-2006 і 2000-2002 гады нараджэння.
Спачатку клюшкі “скрыжавалі” малодшыя ўдзельнікі: каманды “Ветрык” і “Льдзінка”. Супрацьстаянне атрымалася цікавым і відовішчным. У выніку перамогу святкавалі “ветраныя” хакеісты – яны выйгралі з лікам 9:7.
Не менш насычанай стала сустрэча старэйшых каманд – магутныя “Мядзведзі” змагаліся са спрытнымі “Ваўкамі”. Атакі ўзнікалі то ля адных, то ля другіх варот, снег з-пад імклівых канькоў ляцеў розныя бакі і раз-пораз змяняўся лік на табло. Напружаная барацьба працягвалася да апошніх хвілін – і скончылася з розніцай у дзве шайбы на карысць “Мядзведзяў”.
Удзельнікі спаборніцтва былі ўзнагароджаны граматамі і прызамі. Лепшымі ігракамі былі названы Вячаслаў Букель, Максім Анімуцкі, Вадзім Пяткевіч і Максім Папоў.
Марына МАЦКЕВІЧ