Островецкие школьники стали финалистами областного конкурса фотографий
12:07 / 11.11.2016
1
Конкурс юных фотааматараў нядаўна праходзіў у Гродна – арганізатары прапанавалі дзецям зрабіць фотаздымкі, у якіх адлюстроўвалася б прыгажосць і непаўторнасць пейзажаў, дзівосы расліннага і жывёльнага свету і нават працэс правядзення навуковых даследванняў.
У выніку да Гродна “даляцела” аж 586 фотаздымкаў – але толькі 40 з іх выйшлі ў фінал. Прыемна, што сярод іх – і астраўчане. Навучэнцы Аляксандры Дзмітрыеўны Юрчык, якія займаюцца ў гуртку “ФОТАнова” Цэнтра творчасці дзяцей і моладзі, сталі пераможцамі ў намінацыях “Дзівоснае побач” і “Беларусь сінявокая”. Рустам Пупал узнагароджаны Дыпломам I ступені за фотаздымак вавёркі, а Сямён Сямашка – Дыпломам II ступені за фотаздымак астравецкага пейзажу.
Жадаем надалейшага творчага погляду і нестандартных рашэнняў у фотамастацтве!
Рыта ДРЭМА.
Фота з архіва Астравецкага ЦТДіМ.