Награждение орденом матери
Напярэдадні 8 Сакавіка дзве шматдзетныя маці з нашага раёна атрымалі галоўную ўзнагароду – ордэн Маці. Адпаведны Указ падпісаў Прэзідэнт краіны А.Р. Лукашэнка 28 лютага.
Ганаровую ўзнагароду Галіне Іосіфаўне Ігнатовіч, якая выхоўвае шасцярых дзяцей, і Алене Аляксандраўне Садоўскай, маці пяцярых дзяцей, уручыў старшыня райвыканкама Ігар Яраслававіч Шалудзін.
– Усім лепшым, чым можа ганарыцца нацыя, мы абавязаны маці, якія выхоўваюць годных грамадзян нашай краіны. Менавіта маці з’яўляюцца пачаткам жыцця і духоўных сіл чалавека, асновай сям’і, гарантам стабільнасці і міру на зямлі і ў нашым грамадстве. Прыемна, што ў Астравецкім раёне 25 жанчын узнагароджаны ордэнам Маці. А згодна з Указам Прэзідэнта Рэспублікі Беларусь №47 ад 28 лютага, гэтую ганаровую ўзнагароду атрымалі яшчэ дзве шматдзетныя жанчыны, якія пражываюць у нашым раёне, – адзначыў, віншуючы жанчын, Ігар Яраслававіч.
Але самым лепшым падарункам для шматдзетных маці, канешне ж, сталі шчаслівыя ўсмешкі іх дзяцей – у гэты ўрачысты дзень некаторыя з іх былі побач з любімымі матулямі і раздзялілі іх радасць ад атрыманай узнагароды.