У школы раёна закуплены спартыўны інвентар на 18 тысяч рублёў
14:41 / 21.02.2019
На што пайшлі гэтыя грошы – пра гэта мы пацікавіліся ў загадчыцы раённага вучэбна-метадычнага кабінета Валянціны Трэйгіс.
– Выдзеленыя сродкі было вырашана накіраваць на набыццё спартыўнага інвентару. Дзякуючы падтрымцы райвыканкама, школы раёна закупілі лыжы і канькі, валейбольныя і баскетбольныя мячы, шахматы, тэнісныя сталы, маты, гімнастычныя сценкі – у агульным на гэтыя мэты зрасходавана амаль 18 тысяч беларускіх рублёў. Кожная школа набыла тое, чаго ёй не хапала.
Сёння зімовым спартыўным інвентаром школ раёна забяспечаны больш як на 90 працэнтаў.