Валянціна Віннічак атрымала Падзячны ліст ад Урада Літоўскай Рэспублікі

15:11 / 16.08.2018

Педагог дадатковай адукацыі Астравецкага цэнтра творчасці дзяцей і моладзі Валянціна Вільеўна Віннічак атрымала Падзячнае пісьмо ад Дэпартамента нацыянальных меншасцей пры Урадзе Літоўскай Рэспублікі.

IMG_6713.jpg

Напачатку ліпеня ў Вільнюсе прайшло свята песні, прысвечанае 100-годдю аднаўлення літоўскай дзяржавы. Па запрашэнні віленскага гарадскога беларускага клуба “Сябрына” ўдзел у ім прыняла народны майстар, педагог дадатковай адукацыі Астравецкага ЦТДМ Валянціна Віннічак.

DS02-768x576.jpg

За праведзены на высокім узроўні майстар-клас па пляценні з саломкі Дэпартамент нацыянальных меншасцей пры Урадзе Літоўскай Рэспублікі выказаў Валянціне Віннічак пісьмовую падзяку, якую жанчыне ўручыў адзін са стваральнікаў клуба “Сябрына”, ураджэнец Астравеччыны Валянцін Стэх.

– Ніводная экспазіцыя не прыняла столькі наведвальнікаў, як выстава вырабаў Валянціны Вільеўны, – віншуючы, адзначыў Валянцін Стэх. – Са звычайнай саломкі яна стварае шэдэўры мастацтва.

IMG_6704.jpg




Текст: