Год культуры на Островетчине: обсудим итоги вместе
13:20 / 14.12.2016
38
Тое, як ён праходзіў у нашым раёне, якія мерапрыемствы запомняцца, а над чым яшчэ трэба працаваць, мы прапануем абмеркаваць у фармаце “Адкрытага дыялогу” на сайце нашай газеты і ў рэдакцыі “Астравецкай праўды”.
Усе, каму неабыякавая гэтая тэма, могуць пакідаць свае каментарыі на сайце газеты. Падчас “Круглага стала”, які пройдзе па азначанай тэме у панядзелак, 19 снежня, у 14.30, яны будуць агучаны і абмеркаваны ў шырокім коле зацікаўленых.
Каб нагадаць вам мерапрыемствы, як праходзіў у раёне Год культуры, прапануем кароткую інфармацыю, падрыхтаваную спецыялістамі аддзела ідэалогіі, культуры і па справах моладзі райвыканкама.
Як вядома, з мэтай фарміравання высокай культуры грамадства, зберажэння культурнай спадчыны і народных традыцый, выхавання ў грамадзян любові да Айчыны Указам Прэзідэнта Рэспублікі Беларусь 2016 год быў аб’яўлены Годам культуры.
У раёне пастаянна праводзяцца цікавыя мерапрыемствы. З мэтай выяўлення талентаў праведзены конкурсы «Творчасць без межаў», «Народны артыст», «Конкурс песні і танца», «КВЗ», «Новыя імёны Беларусі» - і гэта далёка не поўны пералік падобных мерапрыемстваў. Мы адзначаем для сябе адораных людзей, стараемся стварыць умовы для іх далейшага творчага росту і развіцця.
Усё больш масавымі і папулярнымі сярод жыхароў Астравеччыны становяцца інтэлектуальныя гульні «Што? Дзе? Калі?», « Брэйн-рынг».
Да значных культурных падзей, праведзеных у раёне ў 2016 годзе, можна аднесці калядны канцэрт «Бэтлеемская зорка», навагодняе тэатралізаванае прадстаўленне «Чароўнае люстэрка», раённае мерапрыемства па ўшанаванні маладых спецыялістаў і конкурс «Творчасць без межаў», фестываль патрыятычнай песні «З любоўю да Беларусі», святочныя мерапрыемствы да Дня Вялікай Перамогі, раённы фестываль сямейнай творчасці «Жывіце ў радасці», маладзёжны фестываль «Tutti», колар-фэст, дабрачынны канцэрт, раённыя Дажынкі, адкрыццё усебеларускай маладзёжнай будоўлі і іншыя.
Вялікае значэнне для эстэтычнага выхавання моладзі мелі канцэрты зорак беларускай і расійскай эстрады.
Ганаровае званне «народны» і «ўзорны» маюць 8 творчых калектываў. Жыхарцы вёскі Петрыкі Марыі Юльянаўне Мажэйцы прысвоена званне "народны майстар" па ткацтву. У студзені 2016 года яна ўзнагароджана прэміяй абласнога выканаўчага камітэта "За творчыя дасягненні ў галіне культуры і мастацтва" імя А. І. Дубко.