В Страчанке почтили память ветерана Альбина Францевича Павловича

Такімі словамі пачалася гадзіна ўшанавання памяці ветэрана Вялікай Айчыннай вайны Альбіна Францавіча Паўловіча, які пахаваны на могілках у вёсцы Страчанка. Удзельнікі аматарскага аб’яднання “Дабрыня”, якое існуе пры Страчанскім клубе, прыйшлі на магілу з кветкамі і словамі падзякі за мір на зямлі. Хвілінай маўчання ўшанавалі яны памяць ветэрана вайны.

Затым усе накіраваліся да ўдавы яшчэ аднаго ветэрана вайны Марыі Іосіфаўны Тэрэз. Дзеці падарылі Марыі Іосіфаўне кветкі і прачыталі вершы. Жанчына расказала аб цяжкіх гадах вайны, аб баявым і мірным жыцці свайго мужа, ветэрана Вялікай Айчыннай вайны Баляслава Баляслававіча Тэрэза. Дзеці з цікавасцю слухалі аповед Марыі Іосіфаўны, разглядвалі фотаздымкі, а на развітанне пажадалі ўдаве добрага здароўя і доўгіх гадоў жыцця. І зрабілі фотаздымак на памяць, каб потым расказаць ужо сваім дзецям аб героях той кровапралітнай вайны.