Якія святы і памятныя даты адзначаюцца 16-22 ліпеня

12:25 / 16.07.2022
491
СЁЛЕТА АДЗНАЧАЕЦЦА

115 гадоў (1907) з часу, калі ва ўрачыстай працэсіі ў адбудаваны за год да таго гудагайскі касцёл быў перанесены з Ашмян абраз Маці Божай Гудагайскай. Там ён знаходзіўся з 1832 года – часу закрыцця храма ў Гудагаі. Болей цудатворная ікона не пакідала родную святыню.

15 гадоў (2007) з часу каранавання цудадзейнага абраза Маці Божай Гудагайскай залатымі папскімі каронамі.

30 гадоў (1992) з часу, калі ў Гервятах адбылася сустрэча старшынь Вярхоўнага Савета Рэспублікі Беларусь і Літоўскай Рэспублікі Станіслава Шушкевіча і Вітаў­таса Ландсбергіса. Падчас яе абмяр­коў­валіся пытанні жыцця беларусаў у Літве і літоўцаў – у Беларусі.

400 гадоў (1622) назад сакратар караля Зыгмунта III Вазы Войцех Хлюдзінскі «для сваёй выгады і патрэб падданых» збудаваў у Жалядзях на ўзгорку сярод дубовага гаю для манахаў-кармелітаў, якія пасяліліся тут за год да таго, касцёл. Прывілеем ад 1624 года Хлюдзінскі запісаў у фундуш кармелітам маёнткі Жалядзі, Спонды і Косцевічы (ранейшыя Якубавічы) і невялікія навакольныя засценкі. 

Жалядскі касцёл быў філіялам Свірскага. З часам манахі ўзвялі тут цэлы комплекс будынкаў: плябанію з вялікім склепам з бутавага каменя, гаспадарчыя пабудовы, сажалку, добраўпарадкавалі прыродную крыніцу, заклалі парк, сад, адкрылі школу, шпіталь, багадзельню для нямоглых і старых.

200 гадоў (1822) таму ўтварылася Жалядская парафія. Кармеліты пабудавалі новы, больш прасторны касцёл пад вызнаннем Беззаганнага зачацця Найсвяцейшай Панны Марыі і Святога Войцеха і мучанікаў. Імя Маці Божай Шкаплернай Жалядскі касцёл атрымаў у 1920 годзе.

Святы і памятныя даты

17 ліпеня 
Дзень металурга

18 ліпеня
Усесаюзны дзень фізкультурніка
Міжнародны дзень Нэльсана Мандэлы

20 ліпеня
Сусветны дзень шахмат
Сусветны дзень торта

Падрыхтавалі  Ніна РЫБІК, Рыта ДРЭМА.


Оставить комментарий
Текст сообщения*
Защита от автоматических сообщений