Упрыгожваннем свята стаў канцэрт ансамбля “Песняры”
17:55 / 03.07.2022
Неаднаразова мяняліся кіраўнікі і склад калектыву, створанага легендарным Уладзімірам Мулявіным, мяняўся і рэпертуар гурта, але нязменным застаецца адно: музыка “Песняроў” – гэта заўсёды знак якасці.
У Астраўцы “Песняры” выканалі як творы з музычнай спадчыны Уладзіміра Мулявіна і калектыву – “Ручнікі”, “Чырвоная ружа”, так і новыя кампазіцыі.
А многія песні – “Вологду”, “Старый клён”, “За полчаса до весны” – гледачы спявалі разам з артыстамі. І гарачыя апладысменты былі адначасова і падзякай верным сабе “Песнярам”, і прызнаннем у любові славутаму калектыву, і радасцю ад спаткання з маладосцю.