Былая вязень канцлагера Соф’я Палуян адзначыла 90-годдзе

15:49 / 10.06.2022

Дзяцінства Соф’і Цярэнцьеўны Палуян нельга назваць радасным – ад перажытага ў канцлагеры “Азарычы” яна і цяпер часам усхопліваецца па начах, а калі распавядае пра той час, не можа стрымаць слёз. Тым не менш, жанчына лічыць сябе шчаслівай: яна выжыла і атрымала магчымасць прачынацца і радавацца кожнаму новаму мірнаму дню. І сёння, 10 чэрвеня, Соф’я Цярэнцьеўна адзначыла 90-гадовы юбілей.

Павіншаваць жанчыну з гэтай датай і ўручыць падарункі прыйшлі прадстаўнікі раённага савета ветэранаў, Тэрытарыяльнага цэнтра сацыяльнага абслугоўвання насельніцтва, раённай арганізацыі “Белая Русь” і сектара культуры райвыканкама.

– Дарагая Соф’я Цярэнцьеўна, з юбілеем вас! Дзякуй за ваш вопыт, за тое, што вы побач з намі, дзеліцеся ўспамінамі і вучыце любіць і шанаваць простыя, але такія важныя рэчы. Нізкі паклон вам, здароўя, дабрабыту і сто гадоў жыцця! – павіншавала жанчыну старшыня раённага савета ветэранаў Ірына Шляхтун.


Да пажаданняў далучыліся і астатнія госці, а Лаліта Валевіч з сектара культуры падрыхтавала імянінніцы музычны падарунак.


Марына МАЦКЕВІЧ


Подписывайтесь на телеграм-канал «Островецкая правда» по короткой ссылке https://t.me/ostrovetsby.

Телеграм-канал «Островецкая правда»  – всё самое интересное из жизни Островца и Островецкого района. 

Текст:
Фото: Марина Мацкевич