Усё светлае – ад сонца, усё добрае – ад маці
Бібліятэкі Астравеччыны прынялі ўдзел ў абласным чэленджы #МамеАрт і парадавалі любімых і дарагіх матуль вершамі, самаробнымі паштоўкамі, сувенірамі.
Напярэдадні самага пяшчотнага свята ў бібліятэках раёна кожны мог зрабіць сваімі рукамі прыгожую віншаванку для матулі, каб потым са словамі ўдзячнасці і цеплыні падарыць яе самаму дарагому чалавеку.
У гонар мам у Міхалішках правялі ўрок-прызнанне. Бібліятэкар расказаў дзецям пра тое, што важна праяўляць любоў, павагу і клопат да матуль і бабуль не толькі ў святочны дзень.
У Варнянскай бібліятэцы прайшла акцыя «Павіншуй маму». Дзеці з аматарскага аб’яднання «Добрае сэрца» падпісалі паштоўкі мамам і павіншавалі іх. У гэты дзень у бібліятэцы была падрыхтавана прэзентацыя «Усё светлае – ад сонца, усё добрае – ад маці».
Вольга ЗАЯНЧКОЎСКАЯ, раённая бібліятэка.