Пра што пісала «Астравецкая праўда» ў юбілейныя гады: 2 красавіка
10:21 / 03.04.2021
Першы нумар «Астравецкай праўды» – на той час «Большэвіцкі арганізатар» – выйшаў 29 мая 1941 года. З таго часу – з перапынкам на гады Вялікай Айчыннай вайны і падчас расфарміравання Астравецкага раёна ў 1962-1965 гады – газета ўвесь час была побач з чытачамі, расказвала навіны, дапамагала вырашаць праблемы, віншавала са святамі і спачувала ў бядзе.
Прапануем зазірнуць у гісторыю і пачытаць, пра што пісала «раёнка» ў юбілейныя для сябе гады.
1 красавіка 1971 года
Дружны экіпаж
Экскаватаршчыкі Тадэвуш Паліцэвіч і Эдуард Пазнанскі за 3 месяцы вынялі 10 тысяч кубаметраў грунту і тым самым выканалі квартальнае заданне на 200%.
Экскаватаршчыкі будаўніча-мантажнага ўпраўлення меліярацыі дружна ўключыліся ў сацыялістычнае спаборніцтва за годную сустрэчу 24-га з’езда КПСС. Зімой яны працавалі на пракладцы магістральных каналаў на ўчастку «Шлях камунізма». І ў складаных умовах экіпаж пастаянна перавыконваў даведзеныя заданні.
2 красавіка 1981 года
Збіраць і здаваць
паношанае адзенне, макулатуру, непрыгодны посуд, вырабы з металу і палімераў заклікае жыхароў раёна нарыхтоўчая арганізацыя спажыўкааперацыі.
Аналагічную другасную сыравіну, акрамя металалому, маглі здаваць і прадпрыемствы раёна.
Так, за кілаграм макулатуры плацілі 2 капейкі, за косці – 6, за шарсцяныя анучы – 16.
3 красавіка 1991 года
Шумець маладым лясам
На працягу двух тыдняў у раёне садзілі лес.
Лясгас збіраўся пасадзіць 190 га лясных культур. Дрэвы планавалі садзіць ва ўсіх лясніцтвах, але найбольшыя плошчы адвялі ў Кямелішкаўскім і Падольскім – 60 і 44 га адпаведна.
Пасадачны матэрыял далі лесагадавальнікі Гервяцкага і Астравецкага лясніцтваў.
4 красавіка 2001 года
Выйшлі ў поле
Калгасы распачалі веснавыя палявыя работы. Стартавалі з падкормкі шматгадовых траў. 130 га падкарміў калгас імя Чапаева, 87 – «Савецкая Беларусь».
Акрамя таго, падсеялі 140 га шматгадовых траў, 51 з іх прыпадаў на бабовыя.
У бульбасховішчах гаспадарак ішла пераборка клубняў. Адсарціравана 375 т другога хлеба, з іх у «Чырвоным Кастрычніку» – 225 т, калгасе імя Чапаева – 150 т.
2 красавіка 2011 года
Залаты медаль
заваяваў на Усерасійскім турніры класа «А» па боксе на прызы заслужанага майстра спорту У.П. Агеева наш зямляк Віталь Бандарэнка.
Баксёр правёў 5 баёў з сапернікамі з Казахстана і Расіі і не пакінуў ім шансаў. Дадому астраўчанін вярнуўся з залатым медалём.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.