“Міліцыянер павінен быць сумленным і ветлівым” – лічыць Андрэй Налівайка
12:53 / 04.03.2021
– Пакуль рана казаць, які я супрацоўнік, я ж, як у той казцы, толькі вучуся, дакладней, – заканчваю, – сціпла адзначае хлопец.
Першапачаткова ўсе прамудрасці міліцэйскай справы Андрэй павінен быў спасцігаць у цэнтры павышэння кваліфікацыі. Ужо і дата была прызначана, але з-за COVID-19 вучобу пераносілі некалькі разоў, і ў выніку было прынята рашэнне стажыраваць «навабранцаў» па месцы службы. І са жніўня мінулага года Андрэй праходзіць навучанне ў аддзяленні ДАІ.
– Калі ўладкоўваўся на службу ў РАУС, прапанавалі некалькі вакансій – я выбраў інспектара ДПС, – расказвае хлопец. – Замацавалі мяне за Уладзімірам Васілевічам, але дапамагалі і падказвалі ўсе супрацоўнікі. Самым цікавым было разам з імі дзяжурыць на лініі. Нездарма кажуць, што тэорыя без практыкі – нішто. А на дарозе – стасункі з людзьмі і каштоўны вопыт. Вадзіцелі розныя трапляліся: і адэкватныя, і аматары пакорчыць з сябе занадта «разумных» – асабліва калі бачаць маладога ДАІшніка. Але мяне навучылі, як весці сябе з такімі «асамі». Наогул, лічу, што большасць канфліктаў можна вырашыць з дапамогай размовы. Канешне, добрым для ўсіх не будзеш, але міліцыянер у першую чаргу павінен быць сумленным і ветлівым.
Калі рыхтаваўся матэрыял, Андрэй завяршыў навучанне і павінен быў здаваць іспыты. Гледзячы на мэтанакіраванасць хлопца, можна не сумнявацца, што ў яго ўсё атрымаецца. І застаецца толькі пажадаць маладому інспектару ДПС поспеху ў службе.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.