Хто аказаўся лепшым – «Маланка» ці «Страла»

10:23 / 25.02.2021

Яны стралой перасякалі адлегласці і маланкай спраўляліся з выпрабаваннямі, дэманструючы сапраўдную мужнасць, сілу волі і задавальненне – у САК «Імпульс» прайшлі спаборніцтвы да Дня абаронцаў Айчыны сярод людзей з інваліднасцю.

Удзельнікаў спартыўнага мерапрыемства прывітаў, пажадаўшы лёгкіх стартаў, намеснік старшыні райвыканкама Генадзь Бычко. А настаўнікі дзіцячай школы мастацтваў Таццяна Канчанін і Уладзіслаў Сапега натхнілі на перамогу прыгожымі музычнымі нумарамі.

1.jpg

2.jpg

3.jpg


Дарэчы, правядзенне спаборніцтваў для наведвальнікаў аддзела дзённага знаходжання для маладых людзей з інваліднасцю Астравецкага тэрытарыяльнага цэнтра сацыяльнага абслугоўвання насельніцтва стала добрай традыцыяй. Кожны раз яны з радасцю і няўрымслівым азартам, якому могуць пазайздросціць вядомыя спартсмены, бегаюць навыперадкі, спаборнічаюць у трапнасці, спраўляюцца з перашкодамі і шчыра радуюцца сваім дасягненням.

Так было і на гэты раз: у прыемным прадчуванні цікавай барацьбы каманды «Страла» і «Маланка» выйшлі на старт. Іх спадзяванні апраўдаліся, бо кожнае з выпрабаванняў выклікала шквал пазітыўных эмоцый і імкненне быць першым. Удзельнікі прадэманстравалі хуткасць у бегу з эстафетнай палачкай, тэніснай ракеткай і фітболамі, трапнасць у дартсе, спрыт у пераадольванні перашкод з абручамі, камандны дух падчас «Пераправы», адчулі сябе футбалістамі, забіваючы мяч у вароты, і спартсменамі рознага профілю ў заключнай эстафеце. Тут не было месца зайздрасці і расчараванню, бо прадстаўнікі абедзвюх каманд аднолькава перажывалі за няўдачы свае і сапернікаў, радаваліся поспеху і атрымлівалі асалоду ад спаборніцтваў.

4.jpg

6.jpg

5.jpg


Не было тут і пераможаных, хіба што «Страла» аказалася крыху хутчэйшай за «Маланку». Аднак усе ўдзельнікі атрымалі дыпломы і падарункі ад арганізатараў, якія ўручыла дырэктар ТЦСАН Святлана Куцько.

8.jpg

7.jpg






Подписывайтесь на телеграм-канал «Островецкая правда» по короткой ссылке https://t.me/ostrovetsby.

Телеграм-канал  «Островецкая правда»  – всё самое интересное из жизни Островца и Островецкого района. 

 

 

Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.

Телеграм-канал «Гродно Медиа Group» – это ежедневные новости районов Гродненской области и города Гродно.


Текст:
Фото: Марина Мацкевич