«Гавары са мной па-беларуску» – тэматычны дзень прайшоў у Альхоўскім садку

У Альхоўскім дзіцячым садзе прайшоў тэматычны дзень «Наша родная мова».

Наш дзіцячы сад беларускамоўны, аднак многія выхаванцы размаўляюць па-руску. Таму дзень стартаваў пад дэвізам «Гавары са мной па-беларуску!».

Дашкаляты сталі ўдзельнікамі віктарыны, вершаванага і спартыўнага марафонаў, расказвалі пра беларускі народны арнамент і вучылі песні на беларускай мове.

Закончыўся дзень музычным святам «Родная мова». Да нас завіталі Беларусачкі, якія гулялі з малышамі ў беларускія народныя гульні. У фае працавала выстава малюнкаў «Мая вёска», створаная намаганнямі дзяцей і іх бацькоў.

Людміла ГРЭЙЦЬ,
загадчык Альхоўскім дзіцячым садам