Хадзіць па Калядзе святар не будзе
12:17 / 06.01.2021
Альтэрнатыву даўняй хрысціянскай традыцыі, калі ксёндз ходзіць па Калядзе, прапанавалі прыхаджанам астравецкай парафіі Святых Космы і Даміяна.
Як асвяціць дамы і атрымаць благаславенне святара, расказаў карэспандэнту «АП» дэкан Астравецкага дэканата ксёндз-канонік Юзаф Багдзевіч:
– З прычыны эпідэміі каронавіруса ў гэтым годзе Календы не будзе – каб не спрыяць распаўсюджванню хваробы. Аднак такая змена не азначае, што дамы застануцца не асвечанымі і што за іх насельнікаў Касцёл не памоліцца. У нашым храме з панядзелка па суботу ўключна ідуць вечаровыя імшы – пачатак у 18 гадзін, – на кожнай з якіх мы молімся за жыхароў асобных вуліц горада і вёсак, што ўваходзяць у парафію Святых Космы і Даміяна. Вернікі маюць магчымасць далучыцца да супольнай малітвы, асвяціць ваду і, прыйшоўшы дамоў, разам з усімі членамі сям’і памаліцца, пацалаваць крыжык, а потым самастойна асвяціць жыллё. Крыху сумныя атрымліваюцца Календы, але нічога не зробіш – час такі.
Выключэннем для пастырскага наведвання можа быць асабістае жаданне гаспадара: калі чалавек мае патрэбу, каб святар асвяціў жыллё, тады ў індывідуальным парадку можна звярнуцца з такой просьбай да ксяндза, і ён прыйдзе, але пры ўмове, што члены вашай сям’і здаровыя.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.