Дырэктар РУП «Астравецкі саўгас «Падольскі» ацаніў работу прадпрыемства
14:05 / 27.11.2020
1. Галоўнае дасягненне вашай гаспадаркі ў гэтым годзе?
– Адданасць людзей абранай справе. І спецыялісты, і працаўнікі ферм і палёў выклаліся па максімуму: кожны адказна паставіўся да сваіх абавязкаў і выканаў іх. За дасягнутымі вынікамі стаяць людзі: не будзе іх – не будзе і сельгаспрадукцыі.
2. Пастаўце адзнаку раслінаводству і жывёлагадоўлі па 5-цібальнай шкале.
– Саўгас «Падольскі» заняў трэція месцы ў раёне ў раслінаводстве і жывёлагадоўлі па выніках бягучага года. Па логіцы я, напэўна, павінен паставіць дзве «тройкі», але не буду гэтага рабіць. У апошнія гады наша прадпрыемства зрабіла значны рывок наперад – і параўноўваць саўгас з тымі ж «Гервятамі» ці «Гудагаем» саўгас некарэктна. Таму стаўлю па «чацвёрцы».
3. Пра што марыце і якія задачы ставіце перад сабой і калектывам на наступны год?
– Прымнажаць дасягнутае, нарошчваць вытворчасць сельгаспрадукцыі. Па вялікім рахунку, ад фінансавага становішча прадпрыемства залежыць дабрабыт кожнага работніка і яго сям’і. Чалавек павінен ісці на работу з ахвотай – у гэтым накірунку і будзем працаваць.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
