Не пакідайма бліжняга ў бядзе
11:37 / 01.10.2020
А тут яшчэ гэты кляты каронавірус! Паветра настолькі насычана страхам падхапіць заразу, што нават простае «ап-чхі!» – у носе заказытала – гучыць як стрэл гарматы і раскідвае навакольных у розныя бакі. І потым нікога да купы не збярэш...
Вы заўважылі, сябры мае, наколькі змянілі нас гэтыя самаізаляцыя і «аддалёнка»? Пахаваліся за маскамі і павязкамі, баімся падысці адзін да аднаго на вуліцы, павітацца за руку ці, крый божа, абняцца... Спяшаемся хутчэй замуравацца ў сваёй шкарлупіне.
Не, меры перасцярогі, несумненна, неабходныя, бо здароўе, сваё і чужое, найважней.
Ды каб да іх яшчэ крыху людскасці, спагады, паразумення, жадання падтрымаць, дапамагчы, выручыць. А мы адварочваемся ў абыякавасці, бо свая кашуля да цела бліжэй...
Найскладаней у такой сітуацыі людзям пажылым, адзінокім, калі за цэлы дзень не толькі ў хату ніхто не зойдзе, нават не патэлефануе і слоўца добрага не скажа. Ну нельга ж так, людзі! Сёння мы чужой бяды заўважаць не хочам, заўтра не заўважаць нашай. Што стане са светам?
Вось таму мяне асабліва ўсцешыла, што маю суразмоўцу ў бядзе не пакінулі, і гэта стала «падзарадкай» для яе аптымізму. І цяпер ужо яна сама дзеліцца з іншымі цеплынёй душы.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.