Самыя раннія памідоры ў акрузе – у Віталя Іванавіча
14:35 / 28.09.2020
Разные житейские истории – веселые и грустные, поучительные и «ни о чем» – вы можете присылать нам на обычную (Островец, ул. Энгельса, 2А) или электронную ostrov_red@tut.by почту, воспользовавшись баннером «Предложить новость» на главной странице сайта ostrovets.by в правом нижнем углу или оставив сообщение в группах «Островецкой правды» в социальных сетях.
Ваши истории будут опубликованы на сайте газеты и в социальных сетях, а лучше – напечатаны на страницах «Островецкой правды».
Даўно вядома, што вясковыя гаспадары заўжды спаборнічаюць: хто раней пасадзіць, хто першым бульбу выкапае, у каго даўжэйшы агурок вырас, а ў каго капуста большая завязалася.
Віталь Іванавіч той яшчэ майстар жартаў і розыгрышаў. Неяк вясной, калі суседзі толькі-толькі нацягнулі цяпліцы і высадзілі рассаду памідораў ды перцаў – ён таксама не адстаў, – прыехалі да яго сыны з жонкамі.
У чаканні дарагіх гасцей бацькі, вядома ж, прыкупілі рознай смакаты, гародніны ды фруктаў. Пакуль жонка разбірала сумкі, Віталь Іванавіч цішком дастаў пакет з памідорамі, аднёс у цяпліцу і расклаў пад толькі што высаджаныя кволыя каліўцы.
Настала раніца ў нядзельку: у двары дзеці тэпаюць, з бацькамі гамоняць, унукі бавяцца, ад мангала дымком пацягнула… Вяскоўцы праз плот кідаюць вокам, што ж там у суседзяў робіцца.
Дачакаўшыся, калі гледачоў сабралася пабольш, Віталь Іванавіч між іншым кінуў сыну:
– Вадзім, схадзі ў цяпліцу, памідоры збяры…
Хлопец ведаў бацькаву любоў да розыгрышаў і ахвотна яго падтрымаў: пайшоў у цяпліцу і вынес з дзясятак чырванабокіх таматаў. У суседзяў, што называецца, сківіца адпала: адкуль?! Мы ж яшчэ толькі пасадзілі – а яны ўжо збіраюць. Калі сеялі, які сорт, чым падкормлівалі?!
Але славу Віталя Іванавіча як лепшага агародніка наваколля «абламала» больш сур’ёзная жонка: растлумачыла людзям, адкуль у цяпліцы памідоры ўзяліся.
Тамара РАБІНКІНА
