Знаёміцца з Астравеччынай можна па мясцовай газеце, упэўнена Святлана Станевіч
11:03 / 30.08.2020
– Родам я з Астраўца, цяпер жыву ў Мінску, але з вашай «раёнкай» не развітваюся.
Захоўваю ўсе нумары, дзе пісалі пра мяне альбо родных. Бацькі пераехалі ў Астравец дзесьці ў 90-м годзе, і, канешне ж, падпісаліся на «раёнку».
Першы раз я трапіла ў газету ў 1993 годзе – на фота з дзіцячага ранішніка. Помню, у 2004-м мы з аднакласнікамі адказвалі на пытанні ў рубрыцы «Рэпарцёр выходзіць у свет»… Дарэчы, дзякуючы «Астравецкай праўдзе» вырашылася пытанне аб устаноўцы ля інтэрната па вуліцы Ленінскай, што каля будынка РАУС, дзіцячай пляцоўкі: мы праз газету прасілі ўладу разгледзець гэту прапанову – і нас пачулі. Ужо не адзін год дзеці і дарослыя не могуць нарадавацца гэтаму падарунку. Дзякуй тым, хто нам яго зрабіў!
Класная рубрыка «Пазнай Астравеччыну» – зберагаю усе артыкулы. Па-першае, гэта цудоўная магчымасць завочна даведацца пра цікавыя, часам і невядомыя многім жыхарам раёна звесткі, а па-другое, – мала з таго, пра што расказвае газета, знойдзеш у інтэрнэце. Вялікі дзякуй вам за гэта!
Яшчэ вельмі падабаюцца артыкулы да прафесійных святаў, дзе расказваецца пра гісторыю арганізацый.
Дзякуй, што друкуеце фотаздымкі, якія дасылаю ў газету, – гэта так прыемна. А яшчэ наша сям’я стараецца ўдзельнічаць ва усіх рэдакцыйных конкурсах – падарункі і дыпломы займаюць пачэснае месца ў нашым доме.
Ведаеце, хоць цяпер не праблема пачытаць «Астравецкую праўду» ў сацсетках і на сайце, а ўсё ж гэта не тое, чым трымаць папяровыя аркушы ў руцэ, гартаць іх… Ды і захоўваць выразкі з сапраўднай газеты – гэта не электронную версію трымаць. (Усміхаецца.)
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
