Пачытаць і пагуляць запрашалі гасцей свята работнікі бібліятэкі і культуры

Выстава кніг «Беларусь – мая слава, надзея і гонар» утрымлівала публіцыстычную і навукова-папулярную літаратуру, якая расказвае пра гісторыю нашай краіны, яе развіццё, дасягненні, традыцыі народа. Асобную экспазіцыю работнікі цэнтральнай раённай бібліятэкі прысвяцілі Вялікай Айчыннай вайне, на палічках сярод мастацкіх кніг знайшлі месца франтавыя «трохкутнічкі» і паштоўкі.

Пра тое, каб самым юным гасцям свята было цікава, паклапаціліся не толькі прыватныя прадпрымальнікі, якія прапаноўвалі разнастайныя атракцыёны. Забаўляльныя праграмы з прызамі і спаборніцтвамі на кемлівасць і хуткасць зладзілі для дзяцей работнікі культуры. Пакуль дзеці гулялі, танцавалі і выконвалі заданні, бацькі актыўна іх падтрымлівалі падказкамі і падбадзёрваннем, стараючыся пры гэтым зняць забаўкі малых на камеры тэлефонаў. 

Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup. 

Телеграм-канал «Гродно Медиа Group» – это ежедневные новости районов Гродненской области и города Гродно.