Анастасія Рыбак: «Люблю сваю работу за разнастайнасць»
09:23 / 16.05.2020
– Менавіта за разнастайнасць і непрадказальнасць работа і падабаецца: з раніцы працуеш з паперамі, а пасля абеду праводзіш турнір, – прызнаецца жанчына. – А яшчэ я люблю знаёміцца з удзельнікамі спаборніцтваў: людзі ва ўзросце, маладыя людзі з інваліднасцю, пачынаючыя спартсмены, старшакласнікі – усе такія розныя і цікавыя.
Анастасія школьніцай актыўна займалася спортам, аддаючы перавагу гульнявым відам. Баскетбол, валейбол, гандбол – па ўсіх у яе ёсць юнацкія разрады. Толькі ў вялікі спорт дзяўчына не імкнулася: хацелася прапагандаваць здаровы лад жыцця і адначасова дапамагаць людзям. І яна стала інструктарам-метадыстам па лячэбнай фізкультуры. Падчас практыкі Анастасіі падабалася займацца з пацыентамі, асабліва калі бачыла, што яе намаганні прыносяць карысць. Але так склаліся абставіны, што пасля адпачынку па доглядзе дзіцяці Анастасія прыйшла працаваць у Астравецкі ФСК.
– Лячэбная фізкультура ў невялікіх гарадах не вельмі папулярная, і я вырашыла паспрабаваць нешта іншае, але ўсё ж звязанае са спортам, – і вось працую ў ФСК, – з усмешкай расказвае намеснік дырэктара. – Работа цікавая, калектыў цудоўны, я радая, што далучылася да гэтай дружнай каманды.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.