Спецыялісты райвыканкама прыбралі ўчастак на выедзе з Астраўца

Напярэдадні рэспубліканскага суботніка спецыялісты раённага выканаўчага камітэта, і яго аддзелаў прыбралі пустуючую тэрыторыю на выездзе з Астраўца ў накірунку аграгарадка Малі, а таксама вызвалілі са смеццевых “абдымкаў” берагі ракі Кавалёўкі.

Дарэчы, і ў мінулым годзе райвыканкамаўцы ў межах месячніка па навядзенні парадку працавалі на гэтым участку. Сёлета, у адрозненне ад мінулага года, смецця побач з Кавалёўкай значна менш – што не магло іх не парадаваць.

Больш за 30 чалавек за некалькі гадзін навялі парадак на пустуючым участку.

Што думаюць пра суботнік астраўчане

Меркаванне Ірыны Раткевіч:

– Па традыцыі ў рэспубліканскім суботніку прымуць удзел актывісты ўсіх пяцідзесяці пярвічных арганізацый грамадскага аб’яднання “Белая Русь”. Штогод з задавальненнем сама далучаюся да ўборкі тэрыторый нашага раёна і раблю гэта не для кагосьці, а ў першую чаргу для сябе – мне прыемна бачыць наш горад чыстым і дагледжаным. Думаю, многія са мной пагодзяцца: парадак трэба наводзіць не толькі там, дзе мы жывём і працуем, але і на агульных тэрыторыях.

Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup
Телеграм-канал «Гродно Медиа Group» - это ежедневные новости районов Гродненской области и города Гродно.