Плюс тры гектары
16:21 / 13.04.2020
Сёлета школьнікі і настаўнікі пасадзілі ў Палушскім лясніцтве тры гектары будучага лесу – амаль на 21 000 маленькіх соснаў і бярозак стала больш, дзякуючы іх дапамозе!
– Пасадзіць дрэва проста, – упэўнена настаўнік Таццяна Тарашкевіч. – Усяго за адзін дзень кожны ўдзельнік можа даць жыццё некалькім сотням саджанцаў. І мы з радасцю далучыліся да важнай справы!
Працавалі дзеці і дарослыя ў парах: адзін мячом Колесава рабіў у глебе лунку, а другі змяшчаў туды саджанец.
– Мы высаджвалі сосны і бярозы – яны найбольш прыстасаваныя да нашага клімату і выдатна прыжываюцца, – расказала адзінаццацікласніца Яна Алёкса. – Нам далі саджанцы соснаў з закрытай каранёвай сістэмай, якія вырасцілі ў гадавальніку лясгаса.
Маленькі саджанец не хутка стане магутным дрэвам, але пад уздзеяннем вялікай сілы прыроды дзіўнае пераўтварэнне пачыналася ўжо ў дзень пасадкі.
– Дзеці з захапленнем расказвалі, колькі соснаў і бяроз пасадзілі. Было бачна, што яны атрымліваюць вялікае задавальненне, – гаворыць Таццяна Тарашкевіч. – Спадзяюся, што ў школьнікаў не знікне жаданне клапаціцца і берагчы наша нацыянальнае багацце. І калі пакідаць памяць пра сябе, то лепш пасадзіць маладое дрэўца, чым аставіць надпіс на кары дарослага.
Дружная кампанія, чыстае паветра, спевы птушак, выдатнае сонечнае надвор'е і ўсведамленне таго, што праз дзясятак гадоў можна будзе і пагуляць па сваім лесе, надавалі дзецям сіл.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
