Ягор Лаздоўскі праводзіць канікулы клёва
Ягор Лаздоўскі з Міхалішак стаў пераможцам рэспубліканскага анлайн-праекта «#КлёвыяКанікулы» ў намінацыі «Меламан».
Грамадскія арганізацыі БРПА і БРСМ вырашылі заахвоціць школьнікаў правесці канікулы весела і карысна – і запусцілі арыгінальны анлайн-конкурс.
Кожны дзень удзельнікі выконвалі пэўнае заданне: прыбіралі пакой, гулялі з малодшымі братам ці сястрой, гатавалі, дэманстравалі свае захапленні – і размяшчалі фотасправаздачу на сваёй старонцы ў сацыяльнай сетцы «УКантакце» з паметкай #КлёвыяКанікулы. Так канкурсанты расказвалі і паказвалі, што неабавязкова ўвесь адпачынак праводзіць на канапе ці за камп’ютарам, – можна дапамагчы бацькам і цікава правесці час з роднымі.
Міхалішкаўскі актывіст Ягор Лаздоўскі цудоўна справіўся з усімі заданнямі – і яго клёвыя канікулы былі адзначаны як лепшыя.
Віншуем з перамогай!
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.