Пад Новы год – россып узнагарод
09:41 / 24.12.2019
Рэспубліканскі адкрыты конкурс маладых выканаўцаў «Беларускія таленты».
Конкурс праходзіў у два этапы і вызначыў лепшых удзельнікаў у розных намінацыях.
Арыгінальным бачаннем навакольнага асяроддзя і яркімі вобразамі парадавалі выхаванцы мастацкіх класаў: Дыпломамі лаўрэата І ступені ўзнагароджаны Аляксандра Гануліч (настаўніца Валянціна Субаткевіч, Варнянскі філіял) і Дар’я Парневіч (настаўніца Вікторыя Варановіч). Дыпломы лаўрэата ІІ ступені атрымалі выхаванцы Вікторыі Варановіч Вікторыя Радчык і Яна Свірыда, а таксама Мікіта Васілеўскі (настаўніца Яўгенія Рэкець). А работы Вікторыі Кіб (Вікторыя Варановіч) адзначаны Дыпломам лаўрэата ІІІ ступені.
Работа Аляксандры Гануліч
Яна Свірыда
Сярод інструменталаў Дыплом лаўрэата ІІ ступені заваяваў баяніст Мацвей Лісоўскі, які займаецца ў Святланы Еўтушэнкі. А выхаванец Аксаны Сяўко – гітарыст Ягор Лупякоў – атрымаў Дыплом І ступені.
Мацвей Лісоўскі
Узорны дзіцячы хор «Ветразь» пад кіраўніцтвам Аксаны Баршэвіч у чарговы раз парадаваў журы прафесійным выкананнем і атрымаў высокую адзнаку – Дыплом лаўрэата І ступені.
У намінацыі «Народны спеў» Раман Віткевіч (кіраўнік Святлана Шаблінская) прыгожым голасам ды артыстызмам «узяў» Дыплом лаўрэата І ступені.
Не засталіся без узнагарод і звонкагалосыя ўдзельніцы з Варнянскага і Гервяцкага філіялаў. Вучаніцы Марыны Кіб Іна Кузмітовіч і Надзея Аўгуль узнагароджаны Дыпломамі ІІ і ІІІ ступені адпаведна, а Ванэса Бутвіла (настаўніца Алена Субач) атрымала Дыплом ІІ ступені.
У гэтай жа намінацыі Дыпломам ІІІ ступені адзначаны ансамбль «Крынічка» з Гервяцкага філіяла (кіраўнік Алена Субач).
Харызматычная, артыстычная і задорная вучаніца Таццяны Собалевай Кіра Біратка выступала ў дзвюх намінацыях – «Акадэмічны вакал» і «Мастацкае чытанне» – і ў абедзвюх заваявала Дыплом лаўрэата ІІ ступені.
Кіра Біратка
Валерыя Дарашкевіч (настаўніца Ірына Бордак) выконвала эстрадную песню і вярнулася дадому з Дыпломам І ступені.
Адкрыты рэгіянальны конкурс «Пяе над Шчараю гітара».
Сёлета прадэманстраваць віртуознасць грання на домры, гітары і цымбалах прыехала 98 салістаў і 10 ансамбляў. Гонар Астравеччыны абараняў вучань Аксаны Сяўко Ягор Лупякоў. Хлопчык годна вытрымаў канкурэнцыю і атрымаў Дыплом ІІ ступені.
Ягор Лупакоў
Адкрыты рэспубліканскі музычны конкурс «Эстрада суботняга вечара».
За званне лепшых змагаліся вакальныя, інструментальныя, харэаграфічныя і тэатральныя групы.
Астравецкія запальнічкі – танцавальны калектыў AZART (кіраўнік Таццяна Лістратава) – парадавалі журы грацыёзнай пластыкай і няўрымслівай энергетыкай. За гэта яны былі адзначаны Дыпломам лаўрэата ІІ ступені.
AZART
Адкрыты рэгіянальны фестывальконкурс дзіцячай творчасці «Крыштальная сняжынка».
Больш за 170 юных удзельнікаў з розных дзіцячых школ мастацтва Гродзенскай вобласці дэманстравалі таленты ў наступных жанрах: вакальна-харавы, інструментальны, выяўленчае мастацтва, фота і мастацкае слова.
Сярод астраўчан Дыпломам лаўрэата І ступені ўзнагароджана юная мастачка Яна Свірыда, якая займаецца ў Вікторыі Варановіч.
Скарбонку ўзнагарод дапоўнілі і выхаванцы Дзіяны Дзёкінай па класе кларнэта: Дыпломы І ступені атрымалі Эвеліна Урбановіч і Юрый Шлегель, а Дыплом ІІ ступені – Арына Тумаш.
Віншуем юных артыстаў і іх настаўнікаў з узнагародамі.