Дзеці трапілі ў краіну цудаў
15:44 / 14.11.2019
На асенніх канікулах дзеці са школьных летнікаў раёна пабывалі ў сапраўднай краіне цудаў.
Такое неверагоднае падарожжа было арганізавана ў аздараўленчым летніку «Ластаўка». Разам з Алісай школьнікі пазнаёміліся з чароўным трусам і адправіліся вызваляць Нязнайку, Дзюймовачку, Чырвоную Шапачку і іншых казачных герояў, якіх зачаравала злая каралева.
Хлопчыкі і дзяўчынкі з задавальненнм разгадвалі загадкі, складалі пазлы, спявалі і танцавалі. Самыя актыўныя ўдзельнікі атрымалі прызы, але галоўнае – усе разам яны разбурылі чары і вызвалілі краіну цудаў ад зла.
Наталля МАЛКОВА,
дырэктар ДАЛ «Ластаўка»