На Астравеччыне праходзіць пленэр разьбяроў па дрэве

15:38 / 07.06.2019
1153

Па запрашэнні Астравецкага лясгаса на Астравеччыну завіталі добра вядомыя ў Беларусі і за яе межамі разьбяры па дрэве Мікалай Скляр і Валянцін Багдзевіч з Гродна, Анатоль Туркоў з Камянца Брэсцкай вобласці і Сяргей Козел з Баранавічаў.

Ужо пяты дзень майстры на ўлонні прыроды ў паляўнічым доміку ў Задворніках ствараюць пад адкрытым небам малыя архітэктурныя формы. Дотык бензапілы да цвёрдага дубовага бервяна – і сыплюцца, нібыта дождж, апілкі. Праз некалькі гадзін карпатлівай працы пачынае вымалёўвацца сілуэт стройнага цыбатага аляняці. Да прыгажуні-русалкі прытулілася Баба Яга, праўда, калі ўсе работы будуць завершаны, іх раздзеляць.

IMG_8211.jpg

IMG_8210.jpg

IMG_8207.jpg

IMG_8265.jpg

Кіраўніцтва лясгаса не абмяжоўвала майстроў ў тэматыцы – сама задворніцая прырода прадыктавала разьбярам матывы адвечнага беларускага фальклору.

IMG_8212.jpg

IMG_8222.jpg

IMG_8231.jpg

Пасля пленэру некаторыя фігуры застануцца ў Астравецкім лясгасе, іншыя ўпрыгожаць месцы адпачынку на Сарачанскіх азёрах.

IMG_8217.jpg

IMG_8227.jpg

IMG_8252.jpg


Чаму праца над драўлянымі фігурамі разбойнікаў, якія былі распятыя разам з Хрыстом на Галгофе, для гервяцкага касцёла Святой Тройцы цяжка далася Валянціну Багдзевічу? Які галоўны інструмент разьбяра па дрэве? Пра гэта і іншае чытайце ў адным з наступных нумароў “Астравецкай праўды”.

Текст: Алёна Ганулич
Оставить комментарий
Текст сообщения*
Защита от автоматических сообщений