Як АПэшка талент шукала

12:30 / 29.09.2018
4846
7
Прывітанне, сябры! Нарэшце ў мяне з’явіўся час расказаць вам, дзе я была і што бачыла.
 
Доўга не гаманіла з вамі – мае бацькі раптам вырашылі, што я ўжо вялікая: раз чытаць, лічыць і думаць умею, то трэба мяне аддаваць у школу. Ну вось у гэтай мітусні і прабеглі мае канец жніўня і пачатак верасня. 

Увесь верасень я не магла вызначыцца, чым заняцца ў вольны ад школы час – столькі прапаноў было! Настаўнікі запрашалі наведваць факультатывы, спартыўныя секцыі, школьныя гурткі. Трэнеры са спартыўнай школы да сябе клікалі, расказвалі пра нашых чэмпіёнаў і пераконвалі, што спортам займацца карысна і модна. Школа мастацтваў вабіла перспектывай навучыцца іграць на музычных інструментах, прыгожа танцаваць і маляваць. Словам, я ледзь галаву не зламала, выбіраючы, куды мне больш хочацца. 

АПэшка радость.jpg


Тады ўспомніла відэаролік цэнт­ра творчасці дзяцей і моладзі, які бачыла «УКантакце». Зачапілі мяне словы: «Калі ты любіш маляваць, майстраваць, канструяваць, фатаграфаваць, спяваць, танцаваць, гуляць у шашкі ці футбол і хочаш удасканаліць свае ўменні, калі ў цябе актыўная жыццёвая пазіцыя і ты хочаш прыносіць карысць іншым і навакольнаму свету, калі ты маеш жаданне навучыцца нечаму новаму, – тады табе да нас».  Дык гэта ж усё тое, што я люблю і хачу! 

Вырашыла зазірнуць у цэнтр творчасці – тым больш, туды ходзяць шмат маіх сябровак. Зайшла – і ахнула: столькі дыпломаў і грамат вісіць на сцяне за абласныя, рэспубліканскія і нават міжнародныя конкурсы! А колькі там фотаздымкаў з розных святаў і выступленняў, а на іх – мае сяброўкі, аднакласніцы, суседкі. Мне так зайздросна стала!  Стаю, разгубіўшыся, перамінаюся з нагі на нагу, цераблю сукеначку: як жа мне трапіць менавіта ў той гурток, у якім мой талент не толькі знойдуць, але і раскрыюць? Кажуць, што ўсе дзеці адораныя ад прыроды – а паспрабуй адшукай той схаваны талент!  

робототехніка.jpg

І тут да мяне падышла нейкая цёця – пазней я зразумела, што яна тут самая галоўная, – і спыталася, ці патрэбна мне дапамога. 
Даведаўшыся, што мяне турбуе, Святлана Казіміраўна – так завуць тую цёцю – стала распытваць, чым я люблю займацца, чаму хачу навучыцца. А потым завяла ў вучэбныя класы, расказала, што, апроч гурткоў, для дзяцей, якія тут займаюцца, ладзяцца дыскатэкі, розныя экскурсіі, што яны ўдзельнічаюць ва ўсіх святах і канцэртах, гуляюць у квест-гульні, ездзяць на конкурсы ў Гродна і Мінск і нават дапамагаюць сваім настаўнікам майстар-класы праводзіць… І я захацела запісацца адразу ўсюды! 
Але Святлана Казіміраўна ўс­міх­нулася і прапанавала ўсё па­спра­баваць, – а потым вызначыцца, дзе больш падабаецца, – і запі­сацца. Класна! Вось бы і ў школе дазвалялі выбіраць урокі!.. 

настаўнікі на творчай алеі.jpg

Мне спадабалася ўсё: плесці з саломы, бісеру і нітак, ляпіць з салёнага цеста розныя фігуркі, маляваць на паперы і распісваць шкло, дрэва і тканіну, спяваць, танцаваць, рабіць робатаў, займацца фітнесам, рабіць добрыя справы з валацёрамі і гуляць у інтэлектуальныя гульні, – нават на авіямадэліраванне вока кінула! Але хутка зразумела, што, хоць я спрытная і таленавітая дзяўчынка, але ўсюды не паспею – не разарвацца жа мне? Таму запісалася ўсяго ў пяць гурткоў:  на фітнес, выраб сувеніраў, танцавальны гурток non-stop, вітраж і ў вакальную студыю. 

реклама кружков.jpg

Мне там так падабаецца, так падабаецца, што перадаць словамі не магу і не магу дачакацца наступных заняткаў! 
Праўда, бацькі-журналісты бурчэ­лі, што я буду стамляцца, бо і ўрокі ж трэба вучыць, і не абы як, але я цвёрда стаяла на сваім – і так гэта далёка не ўсё, дзе я б хацела пашукаць свае таленты – тым больш, на некаторыя заняткі буду хадзіць у суботу. 

центр1.jpg

Так што тым, у каго яшчэ застаўся вольны час паміж школай і сном, раю: ідзіце ў цэнтр творчасці дзяцей і моладзі – там зной­дзеце сабе занятак па душы, можа, і не адзін!
Ай, забылася сказаць: колькі б вы гурткоў у цэнтры творчасці  ні наведвалі, плаціць за гэта вашым бацькам не прыйдзецца і запісацца туды можна ў любы час – там настаўнікі добрыя, не адмовяць.

Ваша таленавітая АПэшка.


Текст: Администратор сайта
Комментарии
0
Гость
Как-то совсем никак,  скрытая реклама центра,  хоть их достижений не умоляю. Не проще ли написать под своей фамилией,именем,  как это делают уважающие себя журналисты - я о вашей идеи с апэшкой. Детский сад - не больше. Правда,  смешно.
Имя Цитировать 0
0
Гость
Про идею с АПэшкой у меня тоже восприятие неоднозначное: темы толковые поднимаете, но не детское это восприятие. А учителям из центра творчества спасибо большое! Наши дети туда ходят, очень довольны!
Имя Цитировать 0
0
Гость
И про рекламу. Одно дело, когда рекламируют то, на чём хотят заработать, а другое дело, когда приходи,бери на здоровье и пользуйся за бесплатно. Тогда получается газета в каждой своей статье что-то рекламирует.
Имя Цитировать 0
0
АПэшка
Вам не спадабаліся мае заўважынкі? Ой, як шкада...Мо таму, што вы даўным-даўно з дзіцячага садка выпусціліся? А я -- нядаўна... І дзеці, якіх цэнтр творчасці запрашае, - таксама. Я спадзяюся, што ім было цікава... А для вас хай мае бацькі-журналсіты сур'ёзныя артыкулы пішуць -- яны ўмеюць, я ведаю...
Имя Цитировать 0
0
Дед Зануда
Все мы родом из детства... Не слушай, АПэшка, зануд по жизни - ни молодых, ни старых.  ;)   Ты делаешь хорошее дело, потому что именно  детские годы закладывают душевный и умственный потенциал человека, закладывают причины, которые прорастут следствиями в дальнейшей жизни: у кого-то - незлобливым  нравом, добрыми делами, талантом, а у кого-то - вечным недовольством окружающими и ежедневными скучными серыми буднями, как две капли воды похожими друг на друга... Так что, как можно дольше подсказывай, малышка, дядькам и тетька  и о хороших, и о плохих вещах которые мы, в силу своего возраста, разучились замечать вокруг себя.
Имя Цитировать 0
0
АПэшка
Дзякуй вялікі, Дзядуля, за падтрымку -- а то я ўжо была расстроілася, падумала: мо і не варта мне пра свае заўважынкі ўсяму свету расказваць, мо лепш у інтэрнэце, прыкрыўшыся якім нікам, усялякія гадасці пісаць. А калі некаму цікава -- то я што ж? Я -- заўжды!..
P.S. І ніякі вы не Зануда, не выдумляйце на сябе! Цалкам сучасны Дзед! Люблю такіх... А зануды і ў нашым класе ёсць, хоць там усе майго ўзросту.
Имя Цитировать 0
0
Deafe
Спасибо АПэшечка за обзор...!!! И никакая это не реклама, а нормальный взгляд на вещи. Мне мои детки тоже все уши прожужали по центр. А работники там ЗОЛОТЫЕ!!! Спасибо им за работу!
ПЫ.СЫ. Для злюк и зануд - я там не работаю и знакомых не имею, похвала от чистого сердца  ;)  :D
Имя Цитировать 0
Оставить комментарий
Текст сообщения*
Защита от автоматических сообщений