У Альхоўцы сёння адзначаюць свята вёскі
Дакладней было б сказаць, што гэта сямейнае свята – настолькі яно атрымалася душэўным, па-хатняму цёплым і шчырым
Усё гэта таму, што рабілі альхоўцы свята для сябе самі. Яны на світанні вудзілі рыбу, потым выбіралі лепшы падворак пасёлка, распачалі ўрачыстае адкрыццё свята фестывалем сямейнай творчасці, спынілі імгненні з колішняга і цяперашняга жыцця сваёй маленькай радзімы праз аб’ектывы фотакамер. Яны ўсе разам спявалі і падтанцоўвалі, з радасцю віталі кожнага артыста і шчыра апладзіравалі выступаючым.
Яны спаборнічалі ў шашках, волейболе і армрэслінгу. І, самае цікавае, што нават ў конкурсах не адчувалася духу спаборніцтваў – гэта была гульня – для душы.
Альхоўцы і самі кажуць, што гэтае свята для іх сямейнае, бо жывуць яны ўсе моцнай, любячай, дружнай вялікай сям’ёй.