Какая баскетбольная команда лучшая в районе
Хлопцы і дзяўчаты з навучальных устаноў высвятлялі адносіны на кольцах – у раёне прайшлі спаборніцтвы па баскетболу сярод школьнікаў.
Пасля ўнутрышкольных і занальных этапаў у фінал выйшлі па чатыры каманды хлопчыкаў і дзяўчат. Яны і сустрэліся на гульнявой пляцоўцы, каб высветліць, хто з іх лепшы і мацнейшы. Спаборніцтва праходзіла па кругавой сістэме, таму шанс стаць пераможцай быў у кожнай каманды, а вось удача была далёка не з усімі.
У выніку першае месца сярод хлапчуковых каманд заняла зборная гімназіі, другое – Варнянскія яслі-сад – сярэдняя школа, трэцяе – Гудагайская сярэдняя школа.
Каманда Гімназіі № 1 г.Астраўца
Каманда Гудагайскай сярэдняй школы
Сярод дзяўчат перамогу святкавала каманда Кямелішкаўскіх ясляў-сада – сярэдняй школы, другое месца заняла Гудагайская сярэдняя школа, трэцяе – Варнянскія яслі-сад – сярэдняя школа.
Пераможцы былі ўзнагароджаны Кубкам Астравецкага фізкультурна-спартыўнага клуба, а каманды-прызёры атрымалі дыпломы аддзела адукацыі, спорту і турызму.