Дарагіх, любімых, мілых віншавалі ў кінаканцэртнай зале “Астравец” (+відэа)
Віншаванні, музычныя падарункі і прыемныя сюрпрызы атрымалі жанчыны, якія сабраліся ў кінаканцэртнай зале “Астравец” на святочны канцэрт, прымеркаваны да Дня жанчын – 8 Сакавіка.
Добры настрой панаваў ужо ў фае кінаканцэртнай залы – тут бібліятэкары арганізавалі выставу і віншавалі жанчын са святам самаробнымі буклетамі.
Святочна ўпрыгожаная сцэна, стыльныя вядучыя, дасціпны гумар, цудоўныя песні і танцы ў выкананні астравецкіх артыстаў – усё стварала настрой і дарыла жанчынам свята.
– Усё самае дарагое на зямлі звязана з жанчынай. Ва ўсе часы прадстаўніцы прыгожай паловы чалавецтва былі адлюстраваннем любові, прыгажосці, мудрасці і міласэрнасці. Клопатам, мудрасцю і цярпеннем вы робіце свет больш мудрым і добрым, – павіншаваў жанчын старшыня раённага выканаўчага камітэта Ігар Яраслававіч Шалудзін.
На працягу дзвюх гадзін у адрас жанчын гучалі кампліменты і віншаванні, менавіта ім мужчыны гаварылі цёплыя словы і дарылі свае песні.
