У Астравецкім аддзеле адукацыі спорту і турызму новы начальнік
08:24 / 12.02.2018
Аксана Анатольеўна нарадзілася ў вёсцы Тургяляй Шальчынінкскага раёна Літоўскай Рэспублікі, потым яе сям’я пераехала ў Ашмяны.
Пасля заканчэння сярэдняй школы №2 г. Ашмяны паступіла ў Вільнюскі педагагічны ўніверсітэт на факультэт беларускай філалогіі, які скончыла ў 2005 годзе.
Працоўную дзейнасць Аксана Анатольеўна Землякова пачала настаўнікам беларускай мовы і літаратуры Міхайлоўшчынскай базавай школы Ашмянскага раёна. Затым працавала настаўнікам беларускай мовы і літаратуры Доргішскай базавай школы, намеснікам дырэктара па вучэбна-выхаваўчай рабоце і дырэктарам гэтай жа ўстановы. У 2010 годзе была прызначана дырэктарам Гальшанскай гімназіі Ашмянскага раёна і працавала на гэтай пасадзе да пераводу ў Астравецкі раён.
Замужам, выхоўвае дваіх дзяцей: сына Ягора і дачку Лізавету.
Жадаем Аксане Анатольеўне поспехаў на новай пасадзе.