Яна Кірэева – памочніца Дзеда Мароза
У рамках дабрачыннай акцыі “Нашы дзеці” напярэдадні Новага года дзяцей з інваліднасцю, якія жывуць у Міхалішкаўскім сельскім Савеце, наведала старшыня райкама прафсаюзаў работнікаў дзяржаўных і іншых устаноў Яніна Вікенцьеўна Кірэева.
Дзед Мароз, вядома, чараўнік і здольны выканаць любое жаданне – але ён не можа дайсці да кожнага дзіцяці. І таму на дапамогу яму прыходзяць добрыя людзі. З ліку такіх – і Яніна Вікенцьеўна Кірэева.
Напярэдадні свята старшыня райкама прафсаюзаў дзяржаўных устаноў завітала ў госці да Сямёна Вайткевіча з вёскі Вялікая Страча, Алесі Іванцэвіч з Міхалішак, Алёшы Кушлевіча з Альхоўкі, Эльвіры Недрашлянскай з Вараб’ёў, Святланы Стаскойць з Падваранцаў. Хлопчыкі атрымалі ў якасці падарунка любімыя цацкі, дзяўчынкі, якія, вядома ж, мараць стаць чароўнымі прынцэсамі, -- касметычныя наборы. І ўсе без выключэння – салодкія падарункі.
Доба, што на свеце ёсць чароўны Дзед Мароз, а ў яго – так шмат добраахвотных памочнікаў: дзякуючы ім ніхто з дзяцей не застанецца абдзеленым!
Ніна АЛЯКСЕЕВА