Ярко и необычно завершили республиканскую Неделю дополнительного образования в Островце
Калі ў школах вучэбны працэс запускаецца з першага верасня, то ва ўстановах дадатковай адукацыі толькі пачынаецца самая гарачая пара па наборы груп на заняткі гурткоў. На працягу першага вераснёўскага тыдня педагогі цэнтра творчасці дзяцей і моладзі мітусіліся , бы тыя пчолы, – запрашаючы дзяцей у гурткі і дэманструючы рэчы, якім дзеці могуць навучыцца на занятках.
Майстар-клас па лепцы з салёнага цеста
Прэзентацыя гурткоў
– Каб заахвоціць вучняў наведваць гурткі, мы праводзім для іх азнаямляльныя экскурсіі з нашай установай, педагогі выходзяць у школы і прэзентуюць накірункі дзейнасці, раздаюць візітоўкі, запрашаем дзяцей і бацькоў наведаць выставы творчых дасягненняў нашых выхаванцаў, дні адчыненых дзвярэй, – расказала намеснік дырэктара цэнтра творчасці Вольга Сцефановіч. – У гэтым годзе жадаючыя запісацца ў гурткі могуць зрабіць гэта анлайн – у групе нашай ўстановы «ВКонтакте».
Прэзентацыя кабінета для заняткаў па робатэхніцы
Фіналам агітацыйнай кампаніі стала мінулая субота, калі няўрымслівыя настаўнікі і іх таленавітыя вучні запрашалі далучыцца да сваёй вялікай крэатыўнай сям’і ўсіх, хто прыйшоў на open air «Тэрыторыя творчасці».
Вядучыя свята Цвятан і Розачка
Цэнтрам прыцягнення стала пляцоўка ля будынка Дома творчасці . Героі мультфільма «Тролі» Цвятан і Ружачка проста выпраменьвалі пазітыў, далучаючы дзяцей і дарослых да свята.
Гульнявая праграма
Творчыя майстэрні, дзе можна было папрацаваць у розных тэхніках дэкаратыўна-прыкладной і выяўленчай творчасці, гульні, фокусы і галоўны сюпрыз ад арганізатараў – шоу мыльных пульхіроў. Вось так незвычайна запрашалі дзяцей і падлеткаў вучыцца развіваць свае здольнасці.
Шоу мыльных пульхіроў
Тыдзень дадатковай адукацыі закончыўся, але гэта не азначае, што ў тых, хто не паспеў запісацца і мае жаданне займацца ў цэнтры творчасці, -- няма шансу сюды трапіць. Прыходзьце – вас будуць рады бачыць!
Песенны квартэт педагогаў і навучэнцаў
P.S.
У гэтым годзе Астравецкі цэнтр творчасці дзяцей і моладзі адкрыў заняткі па рукадзеллю для маладых мамачак, куды яны могуць прыходзіць разам з дзецьмі .