Торжественное мероприятие, посвященное профессиональным праздникам – Дню печати и Дню работников радио, телевидения и связи, прошли 11 мая в областном драматическом театре
Урачысты сход, прысвечаны Дню друку і Дню работнікаў радыё, тэлебачання і сувязі, прайшоў у Гродзенскім абласным драматычным тэатры.
Журналістаў друкаваных і электронных сродкаў масавай інфармацыі ад імя абласных выканаўчага камітэта і Савета дэпутатаў павіншаваў начальнік галоўнага ўпраўлення ідэалагічнай работы, культуры і па справах моладзі Аляксандр Вярсоцкі.
У сваім выступленні Аляксандр Людвігавіч адзначыў, што сродкі масавай інфармацыі Гродзеншчыны паспяхова развіваюцца. Гэта пацвярджаецца і дасягненнямі на рэспубліканскай інфармацыйнай пляцоўцы. Сёлета ў вобласці ёсць перамогі на рэспубліканскім конкурсе інтэрнэт-прэміі “ТИБО”. Можна ганарыцца і ўдзелам у конкурсе “Залатая Ліцера”, дзе восем рэдакцый газет сталі яго пераможцамі і лаўрэатамі.
Шэраг журналістаў атрымалі ўзнагароды і падчас абласной урачыстасці. Сярод іх – загадчыца аддзела інфармацыі і сацыяльных праблем “Астравецкай праўды” Марына Мацкевіч, якой Аляксандр Вярсоцкі ўручыў Ганаровую грамату галоўнага ўпраўлення ідэалагічнай работы, культуры і па справах моладзі Гродзенскага аблвыканкама.
Павіншаваць журналістаў з прафесійным святам прыйшла і старшыня абласной арганізацыі Беларускага прафесійнага саюза работнікаў культуры, інфармацыі, спорту і турызму Таццяна Іванова.
І яшчэ адну ўзнагароду паклалі ў сваю скарбонку астравецкія журналісты. На гэты раз – Ганаровую грамату за асвятленне дзейнасці прафсаюзных арганізацый і тэмы сацыяльнага партнёрства.
Прыемным падарункам для супрацоўнікаў сродкаў масавай інфармацыі вобласці стаў і канцэрт зорак абласной эстрады.