У Палушах развіталіся з летам
Свята “Да пабачэння, лета!” прайшло ў аграгарадку Палушы.
У фае Дома культуры выставілі вырабы дэкаратыўна-прыкладной творчасці вясковыя ўмельцы Т. Мальдзіс, В. Дарашкевіч, Л. Біркоўская, Т. Вянгроўская, М. Шалуха.
Тут жа праходзілі творчыя конкурсы: самы арыгінальны букет склала аматарка кветак Г. Колышка, а лепшы малюнак быў у Алены Замары і Эміліі Бараноўскай – яны намалявалі яго разам.
Песенным талентам радавалі гледачоў артысты аддзела культуры і вольнага часу, народны калектыў народнай песні “Світанак”, а таксама А. Альховік, А. Якіменка, Н. Ліцвін, Т. Раткевіч і Д. Максімаў.
Завіталі на свята і госці са сталіцы – сапраўдным сюрпрызам для мясцовых жыхароў стала выступленне казачага ансамбля “Бацька атаман”. Цудоўны вакал, прыгожыя касцюмы і віртуёзнае валоданне шаблямі – тут такога яшчэ не бачылі, таму пасля кожнага чарговага нумару артыстам апладзіравалі стоячы.
Іван ПЕТРЫК,
фота аўтара.