Гімназісты перамаглі ў шостым этапе галасавання конкурсу “Лепшы клас года”
11:43 / 09.04.2018
1
Напружаная барацьба паміж гімназіяй №1 і Варнянскім НПК ізноў разгарнулася на сайце газеты. Яе вынікам сталі і каментарыі, якія час ад часу з’яўляліся пад інфармацыяй аб конкурсе. Адны наракалі на «накрутку» галасоў, другія радаваліся, што ёсць такі конкурс, а трэція – ківалі на рэдакцыю: маўляў, павышаюць колькасць наведвальнікаў сайта.
Як бы там ні было, але ад конкурсу, на маю думку, у выйгрышы аказваюцца ўсе. Што ж датычыцца пераможцы, то па выніках галасавання ім сталі дзевяцікласнікі гімназіі №1, якія набралі 4 539 галасоў, апярэдзіўшы такім чынам варнянцаў на 503 «лайкі». Гэта другая перамога гімназістаў у конкурсе «Лепшы клас года».
Па колькасці набраных галасоў за папярэднія месяцы лідзіруюць класы Варнянскага НПК, гімназіі №1 і Варонскага НПК.
Наперадзе ў школьнікаў застаўся апошні этап – па выніках конкурсу пераможцы будуць названы ў маі.
Свае фотаздымкі і расповеды аб школьным жыцці ў сакавіку дасылайце да 10 красавіка на электронную пошту газеты ostrov_red@tut.by – і вызначым лепшы клас года разам!
