Астравецкая бібліятэка – прызёр рэспубліканскага конкурсу

16:58 / 01.09.2019

У рамках святкавання Дня беларускага пісьменства былі ўзнагароджаны пераможцы рэспубліканскага конкурсу, арганізаванага Міністэрствам культуры Рэспублікі Беларусь і Нацыянальнай бібліятэкай «Бібліятэкі – асяродак нацыянальнай культуры».

Сярод пераможцаў конкурсу – Астравецкая цэнтральная бібліятэка, якая стала трэцяй у намінацыі «За навуковую і даследчую работу». Адпаведны дыплом, да якога дадаецца і салідная прэмія, намесніку дырэктара бібліятэкі Наталлі Ачарэтавай уручыла намеснік дырэктара Нацыянальнай бібліятэкі.