Выйшла з друку кніга вершаў і апавяданняў Таісы Сямёнавай “Давясёлкі”

17:04 / 30.10.2017
9956
2

У “Гродзенскай друкарні” выйшла ў свет кніжка вершаў і апавяданняў Таісы Сямёнавай “Давясёлкі”.

Чамусьці менавіта каларытная назва зборніка выклікае больш за ўсё пытанняў – усіх цікавіць: што ж такое “давясёлкі”? Цікаўным хочацца сказаць: прачытайце аднайменнае апавяданне, што дало назву ўсяму зборніку – і ўсё зразумееце!

IMG_4039.jpg

Імя Таісы Сямёнаўны Сямёнавай непарыўна звязана з рэдакцыяй газеты “Астравецкая праўда”. На працягу амаль чвэрці стагоддзя яна працавала тут намеснікам рэдактара, адказным сакратаром, а пасля выхаду на заслужаны адпачынак яшчэ пэўны час – стылістычным рэдактарам. На старонках газеты, якая за гэтыя гады стала для яе роднай, пабачылі свет і прайшлі выпрабаванне на прыхільнасць чытача ўсе творы, якія ўвайшлі ў зборнік -- глыбокія таленавітыя вершы, рэалістычныя апавяданні.

IMG_1674.jpg

 Заканамерна, што выдаткі на выданне кнігі ўзяла на сябе менавіта рэдакцыя газеты “Астравецкая праўда” – у знак глыбокай удзячнасці Таісе Сямёнаўне за, як прынята пісаць у афіцыйных падзяках, шматгадовую плённую працу.

Не дзіўна, што і першая міні-прэзентацыя зборніка адбылася ў родным калектыве, а  першыя аўтографы атрымалі былыя і сённяшнія калегі: Таіса Сямёнаўна і зараз актыўна супрацоўнічае з раённай газетай.

IMG_4049.jpg

Хочацца верыць, што шматлікія віншаванні і цёплыя пажаданні нададуць Таісе Сямёнаўне натхнення для новых артыкулаў, вершаў і апавяданняў.


Текст: Нина Рыбик
Фото: Антон Мальшевский
Комментарии
0
draNIK
Очень рад за Таисию Семеновну.  Думаю, что многие  читатели АП присоединятся.  
Навскидку....
...Чыясць матуля у блузцы белай-белай
З акенца выглядае у маладосць...
(простите, белорусский не стоит на компе))
10 лет стиху, а я его наизусть помню.
Имя Цитировать 0
0
Регина
Пройдут столетия, и имя Таисии Семёновой станет "великим",её творчество будут "проходить" в школе по программе,как Великих писателей и поэтов. Я верю в это!
Имя Цитировать 0
Оставить комментарий
Текст сообщения*
Защита от автоматических сообщений