Стань удзельнікам акцыі “Тыдзень лесу” – пасадзі сваё дрэва!
09:44 / 02.04.2018
4
Акцыя прымеркавана да аднаўлення лясоў, якія летась пацярпелі ад масавага распаўсюджвання насякомых-шкоднікаў. На шчасце, Астравеччыну гэтая бяда не закранула, тым не менш прымнажаць лясное багацце – справа карысная.
Да ўдзелу ў акцыі Астравецкі лясгас запрашае нераўнадушных да роднага краю людзей: працоўныя калектывы, прадстаўнікоў грамадскіх аб’яднанняў, школьнікаў, валанцёраў.
На працягу тыдня лесаводы разам з актывістамі будуць не толькі садзіць дрэвы, але і займацца ачысткай ляснога фонду ад несанкцыянаваных звалак.
З вас – толькі жаданне, пра ўсё астатняе – інвентар, падвоз, пасадачны матэрыял – паклапоціцца лясгас.
