Дэпутаты садзілі лес

15:14 / 12.04.2019

Традыцыйна дэпутаты раённага і сельскіх Саветаў дэпутатаў становяцца актыўнымі ўдзельнікамі акцыі па пасадцы лесу. Сёлетні год не стаў выключэннем.

IMG_2870.jpg

Выяздное пасяджэнне прэзідыума і пастаянных камісій раённага Савета дэпутатаў прайшло на базе Астравецкага лясгаса.

– Вясна – час навядзення парадку на зямлі. Мы паглядзелі, у якім стане знаходзяцца аб’екты лясгаса і далучыліся да акцыі па пасадцы дрэў, прымеркаваўшы яе да Года малой радзімы, 75-годдзя з дня ўтварэння Гродзенскай вобласці і 75-годдзя з дня вызвалення нашай краіны і Астраўца ад нямецка-фашысцкіх захопнікаў, – расказала старшыня раённага Савета дэпутатаў Ірына Тальчук.

IMG_2882.jpg

Асабістым прыкладам дэпутаты заклікалі ўсіх пасадзіць сваё дрэва.

– Кожны з нас мае свае прафесійныя абавязкі, але знайшлі некалькі гадзін, каб далучыцца да добрай справы, – гаворыць дэпутат раённага Савета Юрый Грыневіч. – Магчыма, праз сотню гадоў хтосьці пабудуе з нашага леса дом і будзе жыць у ім у шчасці і радасці!

IMG_2894.jpg

ЛІЧБА

Як расказаў дырэктар Астравецкага лясгаса Рыгор Долгі, на Астравеччыне сёлета плануецца пасадзіць 360 гектараў. Працаўнікі многіх арганізацый, прадпрыемстваў і устаноў, школьнікі і работнікі лясніцтваў і лясгаса ўжо пасадзілі 280 гектараў. Засталося не так і шмат – пасадзіць сваё дрэва можа і павінен кожны з нас!



Текст:
Фото: Елена Ярошевич